Beynəlxalq dərəcəli həndbol hakimi İsgəndər Əsgərov Gürcüstanda keçiriləcək yarışa dəvət alıb
Bakı, 15 iyul, AZƏRTAC
Avqustun 10-dan 19-dək Gürcüstanın Tbilisi şəhərində 18 yaşadək kişilər arasında həndbol üzrə Avropa Həndbol Federasiyasının (EHF) çempionatı keçiriləcək.
Azərbaycan Həndbol Federasiyasından AZƏRTAC-a verilən məlumata görə, həmyerlimiz, beynəlxalq dərəcəli hakim İsgəndər Əsgərov EHF nümayəndəsi kimi yarışa dəvət alıb.
Xatırladaq ki, yarışın əvvəlcə Telavi şəhərində keçirilməsi nəzərdə tutulmuşdu. Yeni tikilən idman sarayının hazır olmaması səbəbindən çempionatın Tbilisinin Olimpiya Sarayında keçirilməsinə qərar verilib.
Bölmənin digər xəbərləri
