BEYNƏLXALQ “LEYPSİQ KİTAB YARMARKASI - 2004” AÇILMIŞDIR
AZƏRTAC-ın xüsusi müxbiri xəbər verir ki, martın 25-də Almaniyanın yarmarkalar şəhəri sayılan Leypsiqdə “Beynəlxalq kitab yarmarkası - 2004” öz işinə başlamışdır. Beş gün davam edəcək sərgidə dünyanın 30 ölkəsindən 2084 nəşriyyatın müasir dünya yazarlarının “Dəmir pərdənin süqutu, əski və yeni Avropa münasibətləri, Avropanın bütövlüyü və dirçəlişi yolunda həmrəylik” mövzusunda çap olunmuş kitabları göstərilir.
Sərginin keçirildiyi günlərdə kitablara və onların qalib müəlliflərinə 14 beynəlxalq mükafat, o cümlədən sərginin keçirildiyi ölkənin təsis etdiyi “Almaniya kitab mükafatı”, “Avropada qarşılıqlı anlaşma mükafatı”, “Kurt-Volf mükafatı” və “Hörkules” mükafatı təqdim ediləcəkdir.
Bölmənin digər xəbərləri
