BEYNƏLXALQ TURNİRDƏ ÖLKƏMİZİ İKİ İDMANÇI TƏMSİL EDƏCƏKDİR
AZƏRTAC xəbər verir ki, tennis üzrə ölkə çempionu Sevil Əliyeva və üçqat Azərbaycan çempionu Elina Həsənova İsraildə keçiriləcək üç beynəlxalq turnirdə iştirak edəcəklər. İdmançılarımız fevralın 20-26-da Ramat-Haşaron, fevralın 27-si martın 5-də Raanana və martın 6-12-də Hayfa şəhərlərində təşkil olunacaq beynəlxalq turnirlərdə qüvvələrini sınayacaqlar. Hər üç turnirin mükafat fondu 10 min ABŞ dollarıdır.
Sevil Əliyeva yarışlara təsnifat mərhələsindən başlasa da, reytinq əmsalı nisbətən yüksək olan Elina Həsənova turnirlərə qrup mərhələsindən qoşulacaqdır.
Hər iki idmançı təlim–məşq toplanışını Rusiyada keçmişdir.
Bölmənin digər xəbərləri
