Beynəlxalq Valyuta Fondu: İsveç kronu lazımi qədər qiymətləndirilməmiş valyutadır
Stokholm, 19 iyul, Nərgiz Cəfərli, AZƏRTAC
Beynəlxalq Valyuta Fondunun (BVF) hesabatına əsasən, İsveç kronu dünyanın lazımi qədər qiymətləndirilməmiş valyutasıdır.
Kronun avro və dollara münasibətdə zəif mövqeyi hazırda bir çox isveçlilərin xaricdəki tətillərini daha bahalı edir.
AZƏRTAC xəbər verir ki, üç il ərzində avro 12 faizdən çox bahalaşıb.
BVF-in məlumatına görə, kron 17 faiz daha az qiymətləndirilib. Əgər kron möhkəmlənərsə, məzənnəyə görə dollar təxminən 8,8 kron, avro isə 9,6 kron dəyərində olacaq (hazırda 1 dollar = 10,55 kron, 1 avro = 11,53 krondur, red. qeydi).
“Swedbank” kronun 6-12 ay ərzində möhkəmlənəcəyini proqnozlaşdırır. BVF həmçinin Sinqapur, Hindistan və Almaniyanı valyutaları aşağı qiymətə malik ölkələr kimi qeyd edir.
Bölmənin digər xəbərləri
