Bəzi dövlətlər Ermənistan vətəndaşlarını ölkəyə buraxmır
Tbilisi, 13 oktyabr, AZƏRTAC
Son günlər Ermənistandan xarici ölkələrə qaçanların sayı artıb. Amma bəzi ölkələr onları sərhəddən buraxmırlar.
AZƏRTAC erməni KİV-lərinə istinadla xəbər verir ki, ötən həftə ərzində Ukrayna 200-ə yaxın Ermənistan vətəndaşını ölkəyə buraxmayıb. Buna səbəb Ermənistanda koronavirusun sürətlə yayılması və xəstə ermənilərin Ukraynada virus mənbəyi yaratması ehtimalı göstərilib.
Bildirilir ki, Rusiya, İsrail və Yunanıstan da 300-dən çox Ermənistan vətəndaşının sərhəddən geri qaytarıb.
Onların bəzilərinin koronavirus xəstəsi olmaları barədə saxta arayış aldıqları məlum olub. Lakin onlar da sərhəddən geri qaytarılıblar.
Qeyd edək ki, hazırda Ermənistanda koronavirus sürətlə yayılır. Təkcə son sutka ərzində ölkədə 745 nəfərdə koronavirusa yoluxma təsdiqlənib. Daha 6 nəfər pandemiyanın qurbanı olub.
Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzinin məlumatına görə, ölkədə koronavirus xəstələrinin ümumi sayı 57 min 566-ya, pandemiya qurbanlarının sayı 1032-yə, digər səbəblərdən ölən koronavirus xəstələrinin sayı isə 308-ə çatıb.
Daha 9908 nəfər aktiv koronavirus xəstəsi müalicə alır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
