Binəqədi rayonunda səkkiz ağac qanunsuz kəsilib
Bakı, 16 sentyabr, AZƏRTAC
Paytaxtın Binəqədi rayonu, Əcəmi Naxçıvani küçəsi, 26 və 26A nömrəli yaşayış binalarının yaxınlığında ağacların kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb və fakt təsdiqini tapıb.
Xidmət rəsmisi Vaqif Cavadov AZƏRTAC-a bildirib ki, araşdırma zamanı həmin ünvanda müxtəlifcinsli səkkiz ağacın qanunsuz kəsildiyi və təbiətə 3 min 990 manat məbləğində ziyan dəydiyi məlum olub. Dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikasının Baş Prokurorluğuna göndərilib.
V.Cavadov onu da qeyd edib ki, kəsilən ağacların əvəzinə yeni ağacların əkilməsi və onlara aqrotexniki qulluq göstərilməsi üçün Binəqədi Rayon İcra Hakimiyyətinə və Binəqədi Bələdiyyəsinə müraciət olunub.
Bölmənin digər xəbərləri
