Blinken: İsraillə HƏMAS arasında atəşkəs üzrə danışıqlar sona yaxınlaşıb
Vaşinqton, 20 iyul, AZƏRTAC
“İsraillə Fələstindəki HƏMAS arasında atəşkəs artıq görünmə məsafəsindədir”.
AZƏRTAC-ın məlumatına görə, bu barədə ABŞ Dövlət katibi Antoni Blinken Koloradoda keçirilən Aspen Təhlükəsizlik Forumunda deyib.
O bildirib ki, danışıqlar artıq sona yaxınlaşıb. “Həll olunmalı bəzi məsələlər hələ də qalır. Biz hazırda bununla məşğuluq”,- deyə Blinken əlavə edib.
O həmçinin qeyd edib ki, əldə olunacaq razılaşma atəşkəsə, girovların evlərinə qayıtmasına, davamlı sülh və stabilliyin qurulması üçün daha düzgün yol izləməyə səbəb olacaq.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
