BMT TŞ LİVANDA VƏZİYYƏT HAQQINDA BƏYANAT QƏBUL ETMİŞDİR
Sənəddə “İsrail hərbi qüvvələrinin cənubi Livandakı Kan şəhərciyini atəşə tutması ilə əlaqədar ağrı-acı və indiki münaqişənin gedişində bu günahsız insanların və bütün mülki şəxslərin həlak olması ilə bağlı dərin təəssüf” ifadə edilir.
Təhlükəsizlik Şurasının üzvləri “zorakılığın gücləndirilməsi və bunun humanitar vəziyyəti ciddi şəkildə ağırlaşdırmasının mümkünlüyü ilə əlaqədar öz narahatlığını” vurğulamış və zorakılığa son qoymağa, “atəşin uzun müddətə, daim və qəti şəkildə dayandırılmasını təmin etməyə” çağırmışlar.
BMT Təhlükəsizlik Şurası, həmçinin bildirmişdir ki, Livanın cənubunda münaqişənin nizama salınması üçün siyasi zəmin yaratmağa imkan verəcək qətnamənin hazırlanmasına daha ləngimədən başlamaq niyyətindədir.
Bölmənin digər xəbərləri
