Bosniya və Herseqovina Aİ-yə üzv olmaq üçün namizəd ölkə statusu ala bilər
Sarayevo, 13 dekabr, AZƏRTAC
Avropa İttifaqına (Aİ) üzv dövlətlərə Bosniya və Herseqovinaya ittifaqa üzv olmaq üçün namizəd ölkə statusu verilməsi tövsiyə edilib.
AZƏRTAC xəbər verir ki, bunu Avropa Komissiyasının Qonşuluq və genişlənmə məsələləri üzrə komissarı Oliver Varhelyi deyib.
“Bu gün daha bir dönüş nöqtəsinə çatdıq. Aİ-yə gedən yol açıqdır. Bizim böyük ümidlərimiz və gözləntilərimiz var ki, 14 əsas prioritet vətəndaşların xeyrinə həyata keçiriləcək”, - deyə O.Varhelyi tviter səhifəsində yazıb.
Aİ-yə üzv ölkələrin liderlərinin dekabrın 15-16-da Brüsseldə keçiriləcək sammitdə bu qərarı təsdiqləyəcəyi gözlənilir.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
