BOSNİYANIN HAKİMİYYƏT ORQANLARI 31 KÜTLƏVİ MÜSƏLMAN MƏZARLIĞI AŞKAR ETMİŞLƏR
AZƏRTAC xəbər verir ki, Röyter agentliyinin yaydığı məlumata görə, hərbi cinayətlərin araşdırılmasını tələb edən beynəlxalq birliyin təzyiqi ilə Bosniya hökuməti iyunun 4-də Srebrenitsada qətlə yetirilmiş minlərlə müsəlmanın cənazələrinin qalıqları olan 31 kütləvi məzarlığın tapıldığını bildirmişdir.
Hökumətin məlumatında deyilir: “Bosniya serbləri hakimiyyət orqanlarının və şahidlərin verdiyi məlumatlar Srebrenitsa hadisələrinin yeni təfsilatını aşkar etməyə və kütləvi məzarlıqların yerini müəyyənləşdirməyə imkan vermişdir”.
Məlumatda məzarlıqlardakı soyqırımı qurbanlarının sayı bildirilməsə də, ekspertlərin fikrincə, burada 2,5 min cəsəd ola bilər.
Bölmənin digər xəbərləri
