BÖYÜK BRİTANİYA LORDLAR PALATASININ ÜZVÜ, BARONESSA VİVYEN STERN AZƏRBAYCANA GƏLƏCƏKDİR

29.09.2006 [19:16]
Çap et
A⁺ A^-

Britaniya Şurasının (British council) Azərbaycandakı nümayəndəliyindən AZƏRTAC-a bildirmişlər ki, oktyabrın 2-də Böyük Britaniya parlamentinin Lordlar palatasının üzvü, baronessa Vivyen Stern, habelə Edinburq cəzaçəkmə müəssisəsinin rəisi Devid Kroft və Con Smit Xatirə Fondunun direktor müavini Coanna Ləmb ölkəmizə gələcəklər. Səfərdən məqsəd Azərbaycanda penitensiar sistemdə aparılan islahatlarla tanış olmaqdır.

Penitensiar sistemə dair bir neçə kitabın müəllifi baronessa Vivyen Stern Azərbaycanda olduğu müddətdə bir neçə cəzaçəkmə müəssisəsinə baş çəkəcək, tövsiyələr verəcəkdir.

Nümayəndə heyətinin Azərbaycan rəsmiləri ilə görüşləri də nəzərdə tutulmuşdur.

Bundan əlavə, səfərin digər məqsədi Böyük Britaniyanın Məşvərət İşləri Departamenti, Con Smit Xatirə Fondu və Britaniya Şurasının birgə həyata keçirdiyi Con Smit Təqaüd Proqramını tanıtmaqdır. Proqram Böyük Britaniyada beşhəftəlik kurs keçməklə demokratiya sahəsində biliklərin artırılmasına xidmət edir.

Səfər oktyabrın 5-dək davam edəcəkdir.

BÖYÜK BRİTANİYA LORDLAR PALATASININ ÜZVÜ, BARONESSA VİVYEN STERN AZƏRBAYCANA GƏLƏCƏKDİR

MÜƏLLİFLƏ ƏLAQƏ

Bölmənin digər xəbərləri