Böyük Britaniyada nüvə sualtı gəmiqayırma zavodunda yanğın baş verib
London, 30 oktyabr, AZƏRTAC
Böyük Britaniyada nüvə sualtı gəmiqayırma zavodunda baş verən yanğında iki nəfər xəsarət alıb.
AZƏRTAC yerli polisə istinadla xəbər verir ki, Kumbria bölgəsindəki “BAE Systems” nüvə sualtı qayıqları zavodunda baş verən yanğın nəticəsində xəsarət alanlar xəstəxanaya yerləşdirilib. Onların ehtimal olunan tüstü inhalyasiyasından əziyyət çəkdikləri bildirilib.
Kumbria polisi nüvə təhlükəsinin olmadığını açıqlayıb. Zavodun əsas bina kompleksi olan “Devonshire Dock Hall” təxliyə edilib və içəridə olanların hamısı yoxlanılıb.
Yerli sakinlərə qapı və pəncərələrini bağlı saxlamaq məsləhət görülüb və yaxınlıqdakı Mayklson körpüsündə yol bağlanıb.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
