BP-nin mənfəəti ikinci rübdə 70 faiz azalıb
Bakı, 1 avqust, AZƏRTAC
Britaniyanın enerji şirkəti BP-nin ikinci rübdə mənfəəti ötən ilin eyni dövrü ilə müqayisədə 70 faiz azalaraq 2,6 milyard dollar təşkil edib.
AZƏRTAC şirkətin açıqladığı ikinci rübün nəticələrinə istinadla xəbər verir ki, qalıq yanacaq qiymətlərindəki azalma, zəif neft ticarəti, aşağı emal marjaları və təmir işləri BP-nin mənfəətinə birbaşa təsir edib.
Britaniya şirkətinin ilin ikinci rübündəki mənfəəti keçən ilin eyni dövründəki 8,5 milyard dollar mənfəətlə müqayisədə 70 faiz azalaraq 2,6 milyard dollar olub. Analitiklər ikinci rübdə 3,5 milyard dollar mənfəət gözləyirdilər.
BP-nin cari ilin birinci rübündə mənfəəti təxminən 5 milyard dollar təşkil edib.
Şirkət, həmçinin 1,5 milyard dollarlıq səhm geri alacağını da açıqlayıb.
Qeyd edək ki, ötən həftə “Shell”, “TotalEnergies” və “ExxonMobil” kimi böyük neft şirkətlərinin ikinci rübdəki mənfəətlərində də kəskin azalma müşahidə olunub.
Bölmənin digər xəbərləri
