Braziliya Prezidenti BRICS və G7 ölkələrinin görüşünün keçirilməsini vacib sayır
Bakı, 25 avqust, AZƏRTAC
Braziliya Prezidenti Luiz İnasio Lula da Silva BRICS assosiasiyasının üzvləri və G7 ölkələri arasında görüş keçirmək ideyası ilə çıxış edib.
AZƏRTAC xəbər verir ki, o, bu barədə BRICS ölkələrinin sammiti çərçivəsində keçirdiyi mətbuat konfransında bildirib.
“Kim bilir, bəlkə bir gün biz bir araya gələcəyik: BRICS bloku və G7 bloku. Bu, ticarət, elmi-texniki tərəqqi və demokratiyanı müzakirə etmək üçün əla görüş olardı”, - deyə Luiz İnasio Lula da Silva vurğulayıb.
Qeyd edək ki, bundan əvvəl Braziliya Prezidenti BRICS-in Yeddilik Qrupu (G7) və İyirmilik Qrupu (G20) kimi digər beynəlxalq formatların rəqibi olmaq niyyətində olmadığını söyləyib.
Bölmənin digər xəbərləri
