Britaniya hökuməti sanksiyaların pozulmasına laqeyd yanaşmaqda təqsirləndirilir
Bakı, 13 dekabr, AZƏRTAC
Böyük Britaniya parlamentinin üzvləri hökuməti beynəlxalq sanksiyaların effektivliyinin təmin etməməkdə təqsirləndirib.
AZƏRTAC “Financial Times” qəzetinə istinadla xəbər verir ki, Britaniya parlamentinin bir qrup deputatı müvafiq bəyanatla çıxış edib. Bəyanatda deyilir ki, nəzarət səviyyəsinin zəif olması sanksiyaları pozanların məsuliyyətdən yayınmasına gətirib çıxarır.
Böyük Britaniyanın sanksiya rejiminə nəzarət edən orqanının (Office of Financial Sanctions Implementation, OFSI) məlumatına görə, 2017-ci ilin aprel ayından bəri məhdudiyyətlərin pozulması ilə əlaqədar 730 məlumat daxil olub və yalnız səkkiz cərimə yazılıb. OFSI fevral ayından bəri potensial pozuntulara dair 236 məlumat alıb, lakin indiyədək cərimələrlə bağlı heç bir qərar qəbul olunmayıb.
Britaniya Xarici İşlər Nazirliyinin məlumatına əsasən, Ukraynaya qarşı hərbi təcavüz səbəbindən rəsmi London Rusiyanın 120 kompaniyasına 1200 fiziki şəxsinə qarşı sanksiya tətbiq edib.
Bölmənin digər xəbərləri
