Britaniyanın nüfuzlu “Daily Mail” qəzeti Azərbaycandakı qeyri-adi restorandan bəhs etmişdir

11.05.2014 [21:53]
Çap et
A⁺ A^-

London, 11 may (AZƏRTAC). Britaniyanın nüfuzlu “Daily Mail” qəzeti Azərbaycanın Quba rayonunda qəzaya məruz qalmış təyyarə şəklində dizayn edilən qeyri-adi restorandan bəhs etmişdir.

Məqalədə restoran haqqında ətraflı məlumat verilmiş, Rusiya istehsalı olan “TU-134B” markalı təyyarənin qalığından istifadə edildiyi bildirilmişdir.

Yazıda, həmçinin restoranın sahibi, iş adamı Natiq Bəkmirzəyevin fikirlərinə yer verilmişdir. Onun sözlərinə görə, qeyri-adi restoranın yaradılmasının əsas məqsədi bol müştəri toplamaq və yaxşı gəlir əldə etməkdir. Qubanın Qələdüz kəndi dağ turizmi üçün əlverişli şəraitə malik olduğundan “Təyyarə restoran”a turistlərin böyük axın edəcəyi gözlənilir. Eyni zamanda, Azərbaycana məxsus təyyarəni görənlərin ölkəmizə səyahət üçün həvəslənəcəyi də ehtimal olunur.

Məqalənin tam mətnini aşağıdakı linkdən oxumaq mümkündür: http://www.dailymail.co.uk/travel/article-2624446/The-strangest-restaurant-world-Azerbaijan-opens-dilapidated-plane-eatery.html

Orxan İsmayılov

AZƏRTAC-ın xüsusi müxbiri

London