“British Airways” 3,2 milyon funt sterlinq məbləğində cərimələnib
London, 16 may, AZƏRTAC
“British Airways” aviaşirkəti Hitrou Hava Limanında baqaj işçilərinin hündürlükdən yıxılması nəticəsində ciddi xəsarət alması ilə bağlı iki ayrı hadisəyə görə 3,2 milyon funt sterlinq cərimələnib.
AZƏRTAC “Independent”ə istinadla xəbər verir ki, Londonun “Southwark” Krallıq Məhkəməsində baş tutan prosesdə hadisələrin bir neçə ay fərqlə baş verdiyi bildirilib.
Hər iki halda işçilər yükləmə avadanlığından istifadə zamanı qoruyucu kənar barmaqlıqların olmaması səbəbilə yıxılaraq xəsarət alıblar. Böyük Britaniya Səhiyyə və Təhlükəsizlik İcra Hakimiyyətinin (HSE) irəli sürdüyü ittihama əsasən şirkət əməkdaşlarını qorumaq üçün yetərli və adekvat tədbirlər görməyib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
