BSU-nun tələbəsi: Çalışmalıyıq ki, Xocalı soyqırımını törədənlər cəzalarını alsınlar
Bakı, 26 fevral, AZƏRTAC
Xalqımız Xocalı faciəsini böyük hüzn və kədərlə anır. Bu faciədə yüzlərlə əliyalın insan - qoca, cavan, uşaq, qadın görünməmiş amansızlıqla qətlə yetirilib, evlər yandırılıb, şəhər yerlə-yeksan edilib. Xocalı faciəsinin unudulmaması və onun acı nəticələrinin gələcək nəsillərə çatdırılmasında biz gənclər də fəal iştirak etməliyik.
Bu sözləri AZƏRTAC-a müsahibəsində “Ana harayı” abidəsini ziyarət edən Bakı Slavyan Universitetinin tələbəsi Hüseyn Abbasov deyib.
H.Abbasov bu faciənin Azərbaycan xalqını sarsıtdığını, Xocalı sakinlərinə sağalmaz yaralar, mənəvi zərbələr vurduğunu söyləyib. Bildirib ki, erməni faşistləri tərəfindən insanlığa qarşı törədilmiş bu vəhşi cinayətin dünya ictimaiyyətinin diqqətinə çatdırılmasında gənc nəsil də birgə səy göstərməli və mübariz olmalıdır. Hamı çalışmalıdır ki, Xocalı soyqırımı barədə həqiqətlər dünyaya çatdırılsın və bu qırğınları törədənlər cəzalarını alsınlar.
Bölmənin digər xəbərləri
