Bu gün dünya çempionatında daha iki cüdoçumuz tatamiyə çıxacaq
Bakı, 25 avqust, AZƏRTAC
Xorvatiyanın paytaxtı Zaqrebdə cüdo üzrə yeniyetmələr arasında dünya çempionatı davam edir.
AZƏRTAC xəbər verir ki, yarışın üçüncü günündə qızlar və oğlanlar arasında iki çəki dərəcəsində iki cüdoçumuz tatamiyə çıxacaq.
Qızlar arasında 63 kiloqramda Kamilla Toholiyeva, oğlanlar arasında isə 73 kiloqramda Süleyman Şükürov güclərini sınayacaqlar.
İlk görüşlər Bakı vaxtı ilə saat 11:00-da başlayacaq.
Qeyd edək ki, daha əvvəl cüdoçularımızdan Nihad Məmişov (50 kiloqram) və Xədicə Qədəşova (52 kiloqram) qızıl, Məhəmməd Məmişov (50 kiloqram), Məhəmməd Musayev (60 kiloqram) və Əbil Yusubov (66 kiloqram) gümüş, Mirxaliq İskəndərov (55 kiloqram) isə bürünc medal qazanıb.
Bölmənin digər xəbərləri
