Bu ilin birinci yarısında Lənkəranda 102 hektarda meşə əkini aparılmışdır
Lənkəran, 7 avqust (AZƏRTAC). Bu ilin birinci yarısında Lənkəran Meşə Mühafizəsi və Bərpası Müəssisəsi tərəfindən meşə talasında və seyrək meşələrdə 102 hektarda əkin aparılmışdır.
AZƏRTAC xəbər verir ki, bu dövrdə 17 hektar sahədə 8 min 500 dəmirağacı və göyrüş tingi salınmış, 85 hektarda şabalıdyarpaq palıd toxumları əkilmişdir.
Tinglik təsərrüfatında isə 0,70 hektarda sərv, şam, dəmirağacı və ağcaqayın toxum səpini aparılmışdır.
Mühafizə məqsədilə meşə zolağında 3 min 500 metr uzunluğunda yeni çəpərlər, 1500 metr sahədə yanğına qarşı mineral zolaqlar çəkilmişdir.
Ekologiya və Təbii Sərvətlər Nazirliyi Meşələrin İnkişafı Departamenti tərəfindən rayon üçün 863 kubmetr oduncaq üçün sanitar qırıntı ayrılmışdır.
Qışa hazırlıqla bağlı həmin ağac qırıntılarından 380 kubmetr odunun məktəb və uşaq bağçalarına, 50 kubmetr odunun isə hərbi hissələrə verilməsi nəzərdə tutulmuşdur.
Bölmənin digər xəbərləri
