Bu ilin yanvar ayında ölkəmizə gələn xarici vətəndaşların sayı 3 faiz artıb
Bakı, 28 fevral, AZƏRTAC
Bu ilin yanvar ayında ölkəmizə 191,4 min xarici vətəndaş gəlib ki, bu da ötən ilin eyni dövrü ilə müqayisədə 5 min nəfər və ya 3 faiz çoxdur.
Dövlət Turizm Agentliyindən AZƏRTAC-a bildirilib ki, əcnəbilər arasında ən çox artım 22 faizlə Gürcüstandan gələnlər təşkil edib. Əhəmiyyətli surətdə artım olan digər bazarlar Cənubi və Orta Asiyadır. Bu regionlardan gələnlərin sayında müvafiq olaraq 60,9 və 35,4 faiz artım baş verib.
Ən yüksək artım tempi Cənubi Asiya ölkələri olan Pakistan və Hindistana, Mərkəzi Asiyadan Qazaxıstan və Türkmənistana məxsusdur. Yanvar ayında bu ölkələrin hər birindən 2 mindən çox xarici vətəndaş gəlib.
Bölmənin digər xəbərləri
