BÜTÜN BEYNƏLXALQ İCTİMAİYYƏT AZƏRBAYCANIN ƏRAZİ BÜTÖVLÜYÜNÜ TANIYIR

29.09.2006 [13:14]
Çap et
A⁺ A^-

AZƏRTAC xəbər verir ki, Azərbaycan Prezidenti İlham Əliyev Almaniyada Karl Bertelsmann Fondunun binasında “Demokratiya çağırışı” mövzusunda keçirilən müzakirələrdə bildirmişdir ki, Cənubi Qafqazdakı münaqişələr beynəlxalq hüququn norma və prinsipləri əsasında həll olunmalıdır. Bizim və Ermənistan tərəfinin arzuları ola bilər. Lakin bu, nizamlanma üçün əsas ola bilməz. Məsələnin aradan qaldırılmasının yalnız hüquqi əsasları olmalıdır. Bütün beynəlxalq ictimaiyyət Azərbaycanın ərazi bütövlüyünü tanıyır və Azərbaycan Dağlıq Qarabağ ərazisi də daxil olmaqla BMT-yə üzv qəbul edilibdir.

Dağlıq Qarabağın tarixi nöqteyi-nəzərdən və hüquqi baxımdan Azərbaycanın ərazisi olduğunu, ermənilərin Dağlıq Qarabağa XIX əsrin birinci yarısında gəldiyini faktlarla əsaslandıran Prezident İlham Əliyev demişdir ki, biz Dağlıq Qarabağ ermənilərinə Azərbaycanın tərkibində ən yüksək muxtariyyət statusunun verilməsini təklif etmişik. Bu, bizim tərəfimizdən ediləcək maksimum güzəştdir. Lakin onlar, sadəcə olaraq, Azərbaycandan ayrılmaq və qondarma “müstəqilliyini” bəyan etmək arzusu ilə yaşayır və beləliklə, ölkəmizin ərazi bütövlüyünün parçalanmasına nail olmaq istəyirlər. Bu da mümkün deyildir.

BÜTÜN BEYNƏLXALQ İCTİMAİYYƏT AZƏRBAYCANIN ƏRAZİ BÜTÖVLÜYÜNÜ TANIYIR

MÜƏLLİFLƏ ƏLAQƏ

Bölmənin digər xəbərləri