Cari ilin 6 ayında Azərbaycana 1 milyondan çox turist gəlmişdir
Bakı, 22 iyul (AZƏRTAC). Bu ilin birinci yarısında Azərbaycana gələn turistlərin sayı ilə bağlı konkret rəqəmlər məlumdur. Cari ilin ilk 6 ayının göstəricilərinə görə, turistlərin sayı 1 milyonu keçmişdir.
Bu barədə AZƏRTAC-a məlumat verən mədəniyyət və turizm naziri Əbülfəs Qarayev bildirmişdir ki, ötən il xaricdən ölkəmizə 1 milyon 968 min turist gəlmişdir. Bu il isə 6 ayın nəticələrinə görə bu göstərici 1 milyon 16 minə yüksəlmişdir. Bu isə ötən ilin müvafiq dövrü ilə müqayisədə 14,8 faiz çoxdur.
Nazir qeyd etmişdir ki, bu il Dünya Turizm Təşkilatının ekspertləri ilə birlikdə daxili turizmin statistikası ilə bağlı seminarlar keçiriləcəkdir.
Bölmənin digər xəbərləri
