Cari ilin birinci yarısında Gürcüstanda 9 925 nikah müqaviləsi bağlanıb
Tbilisi, 13 sentyabr, AZƏRTAC
Cari ilin birinci yarısında Gürcüstanda 9 925 nikah müqaviləsi bağlanıb, 6 456 boşanma halı qeydə alınıb.
AZƏRTAC xəbər verir ki, bu barədə Gürcüstanın Milli Statistika Xidməti məlumat yayıb.
Bildirilir ki, 2025-ci ilin yanvar-iyun aylarında diri doğulan körpələrin sayı 17 719 nəfər təşkil edib. Həmin dövrdə ölkədə 22 718 nəfər dünyasını dəyişib.
Hesabat dövründə müsbət təbii artım göstəricisi yalnız Tbilisi şəhərində (406 nəfər) və Acara Muxtar Respublikasında (296 nəfər) qeydə alınıb.
Azərbaycanlıların sıx yaşadıqları Kvemo Kartli bölgəsində də təbii artımda azalma olub. Hesabat dövründə Kvemo Kartlidə 219 nəfər körpə dünyaya gəlib.
Qeyd edək ki, 2024-cü ildə Kvemo Kartlidə təbii artım 292 nəfər, 2023-cü ildə isə 719 nəfər olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
