Cəlal Eynullayev: “Yüksəliş” müsabiqənə qoşulanlar arasında iqtisadçılar üstünlük təşkil edir
Bakı, 29 iyun, AZƏRTAC
Artıq üçüncü ildir ki, “Yüksəliş” müsabiqəsi baş tutur. İstər dövlət, istərsə də özəl sektordan qoşulan iştirakçıların nəticələrini görürük. Gənclər yarışmada öz səriştələrini nümayiş etdirirlər.
AZƏRTAC xəbər verir ki, bunu jurnalistlərə müsahibəsində “Yüksəliş” müsabiqəsinin eksperti Cəlal Eynullayev deyib. Onun sözlərinə görə, müsabiqəyə qoşulanlar arasında iqtisadçılar üstünlük təşkil edir: “Lakin müsabiqəyə müraciət edənlər arasında, demək olar, hər sahədən iştirakçı var. Qaliblər arasında orta məktəb müəllimləri, həkimlər də yer alır”.
Xatırladaq ki, “Yüksəliş” müsabiqəsinin 20 qalibini bir il ərzində idarəçi rəhbərlərdən - iri şirkətlərin top-menecerlərindən və dövlət orqanlarının rəhbərlərindən fərdi karyera məsləhətləri almaq imkanı, kadr ehtiyatı bankına daxil edilmə və 20 min manat dəyərində pul mükafatı gözləyir.
“Yüksəliş” müsabiqəsi Prezident İlham Əliyevin 2019-cu il 26 iyul tarixli Sərəncamına əsasən təsis olunub. Müsabiqə 5 mərhələdən ibarətdir. Dövlətimizin başçısı 2022-ci il dekabrın 20-də üçüncü “Yüksəliş” müsabiqəsinin keçirilməsi ilə bağlı Sərəncam imzalayıb.
Bölmənin digər xəbərləri
