Ceyranbatan qəsəbəsində yerləşən körpələr evi-uşaq bağçasının kollektivi ağacəkmə aksiyasında iştirak edib
Bakı, 31 oktyabr, AZƏRTAC
Ekologiya və Təbii Sərvətlər Nazirliyinin “Ağac əkək, qoruyaq, bu ənənəni yaşadaq!” şüarı altında payız ağacəkmə aksiyasına Abşeron rayonunun Ceyranbatan qəsəbəsində yerləşən 2 nömrəli körpələr evi-uşaq bağçasının kollektivi də qoşulub.
Nazirliyin mətbuat xidmətindən AZƏRTAC-a bildiriblər ki, aksiyada uşaqlar valideynlərinin və müəllimlərin köməyi ilə 100-ə yaxın müxtəlifcinsli ağac tinglərini bağçanın həyətyanı sahəsində əkiblər. Ağacəkmə aksiyasında nazirliyin əməkdaşları, kütləvi informasiya vasitələri nümayəndələri və könüllülər də iştirak ediblər.
Qeyd edək ki, uşaq bağçasının həyətində əkilən ağac tingləri nazirliyin Abşeron Regional Meşə Tingliyi və Toxumçuluğu Mərkəzində yetişdirilib.
Nazirlik payız ağacəkmə kampaniyasını dəstəkləyən və qoşulan bütün tərəflərə təşəkkür edir.
Bölmənin digər xəbərləri
