Çaylarda suyun səviyyəsi aşağı Düşmüşdür
Bakı, 31 may (AZƏRTAC). Hazırda Böyük Qafqazın Şəki-Zaqatala bölgəsi çaylarında sululuq ongünlük normanın 65-100, Quba-Xaçmazda 50-170, Lənkəran-Astarada 30-70, Kiçik Qafqazda 80-90, Naxçıvan MR çaylarında isə 60 faizini təşkil edir.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, Kür çayının Qıraqkəsəmən məntəqəsində su sərfi saniyədə 620 kubmetrdir.
Son 4 gündə suyun səviyyəsi Kürün Surra məntəqəsində 83, Şirvanda 63, Bankədə 36, Salyanda 24, Araz çayının Novruzlu məntəqəsində isə 84 santimetr azalmışdır.
Suyun səviyyəsi bütün məntəqələrdə ötən ilin müvafiq dövrü ilə müqayisədə aşağıdır.
Bölmənin digər xəbərləri
