Çaylarda suyun səviyyəsi ilə bağlı araşdırmanın nəticələri açıqlanmışdır
Bakı, 13 avqust (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən avqustun 13-də çaylarda suyun səviyyəsi ilə bağlı araşdırma aparılmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın Quba-Xaçmaz bölgəsi çaylarında sululuq ongünlük normanın 65-115, Kiçik Qafqazın çaylarında 110-150, Lənkəran-Astara bölgəsi çaylarında 50-110, Naxçıvan MR çaylarında isə 99 faizini təşkil etmişdir.
Kür çayının Qıraqkəsəmən məntəqəsində suyun səviyyəsində 6 santimetr artım müşahidə olunmuşdur. Hazırda məntəqədə su sərfi saniyədə 85 kubmetrdir.
Kür çayının aşağı axınında, eləcə Araz çayının Novruzlu məntəqəsində suyun səviyyəsində azalma qeydə alınmışdır.
Hazırda Kürün Surra məntəqəsində suyun səviyyəsi 334, Şirvanda 196, Salyanda 158, Bankədə 214, Araz çayının Novruzlu məntəqəsində isə 95 santimetrdir.
Bölmənin digər xəbərləri
