Çayların sululuğu ilə bağlı mövcud vəziyyət açıqlanıb
Bakı, 13 iyul, AZƏRTAC
İyulun 13-də Böyük Qafqazın Quba-Xaçmaz bölgəsi çaylarında sululuq ongünlük normanın 50-70, Kiçik Qafqazın çaylarında 20-80, Lənkəran-Astara bölgəsi çaylarında 95-100 təşkil edib.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, Kür çayının Qıraqkəsəmən məntəqəsində suyun səviyyəsində 4 santimetr azalma müşahidə olunub. Hazırda məntəqədə su sərfi saniyədə 114 kubmetrdir. Qanıx çayının Əyriçay məntəqəsində də suyun səviyyəsində 4 santimetr artım qeydə alınıb. Bu məntəqədə su sərfi saniyədə 17 kubmetr olub.
Kür çayının aşağı axınında isə suyun səviyyəsində əsasən mühüm dəyişikliyin baş vermədiyi müəyyən edilib.
Hazırda suyun səviyyəsi Kür çayının aşağı axınındakı məntəqələrdə - Surrada 332, Şirvanda 177, Salyanda 87, Bankədə 197, Araz çayının Novruzlu məntəqəsində isə 42 santimetrdir.
Bölmənin digər xəbərləri
