ÇEMPİONLAR LİQASI TURNİRİNİN YARIMFİNAL MƏRHƏLƏSİNİN İŞTİRAKÇILARI MƏLUM OLMUŞDUR
“Barselona” Lissabondakı qolsuz bərabərlikdən (0:0) sonra, öz meydançasında Ronaldinyonun və Eto’onun vurduqları toplar sayəsində, çoxlarının gözlədiyi kimi, “Benfika” üzərində 2:0 hesablı inamlı qələbə qazanmışdır.
“Arsenal” Turində meydan sahibləri - “Yuventus”un bütün cəhdlərini dəf edərək, hesabın açılmasına imkan verməmişdir. İlk görüşdə Londonda 2:0 hesabı ilə qalib gəlmiş “Arsenal”, tarixində ilk dəfə olaraq, Çempionlar liqasının yarımfinal mərhələsinə yüksəlmişdir.
Mütəxəssislərin fikrincə, “Barselona” - Milan” cütlüyündə mübarizə olduqca gərgin keçəcək və bu görüşün qalibinin turnirin kubokunu almaq şansı olduqca çoxdur. Digər yarımfinalda (“Arsenal” - “Vilyareal”) üstünlük birinciyə verilir.
Bölmənin digər xəbərləri
