Çexiya ötən il Ukraynadan olan qaçqınlara 590 milyon avro yardım edib
Bakı, 2 iyul, AZƏRTAC
Ötən il Çexiya ukraynalı qaçqınlara 14 milyard kron (təxminən 590 milyon avro) ayırıb.
AZƏRTAC xəbər verir ki, bu barədə xarici işlər naziri Yan Lipavski bildirib.
Vəsait ukraynalı qaçqınların respublikada qalmasını təmin etmək üçün nəzərdə tutulub. Bundan əlavə, Ukraynadakı hərbi münaqişə qurbanları ilə bağlı əlavə 27 humanitar layihənin həyata keçirilməsi üçün Çexiya Xarici İşlər Nazirliyinin xətti ilə 193 milyon kron (təxminən 8,2 milyon avro) ayrılıb. Onlardan 6-sı Moldovada ukraynalı qaçqınları dəstəkləmək üçün, qalanları isə Ukraynanın hərbi əməliyyatlara məruz qalmayan ərazilərində münaqişə səbəbindən məskunlaşan qaçanlara göndərilib.
Bölmənin digər xəbərləri
