Çin Beynəlxalq Təhlükəsizlik Forumuna ev sahibliyi edəcək
Bakı, 15 sentyabr, AZƏRTAC
Çin regional gərginliklər fonunda bu həftə illik Beynəlxalq Təhlükəsizlik Forumuna ev sahibliyi edəcək. AZƏRTAC Sinxua agentliyinə istinadla xəbər verir ki, Pekin bu tədbirdə son strateji diplomatiyasını və güc proqnozu səylərini daha da artırmağa çalışacaq.
Xarici diplomatlar və təhlükəsizlik analitikləri bildirirlər ki, Çin rəsmiləri bu forumdan ÇXR Sədri Si Cinpinin bu ayın əvvəlində açıqladığı beynəlxalq nizama dair vizyonunu irəli sürmək üçün istifadə edəcək, “hegemonluq və güc siyasətinə” qarşı birliyə çağıracaq.
Sentyabrın 17-də açılacaq üçgünlük tədbirdə 100 ölkədən 1800-ə yaxın nümayəndə, o cümlədən rəsmilər, hərbçilər və alimlər iştirak edəcəklər. Bəzi xarici nümayəndələr, xüsusən də Qərb və qonşu ölkələrdən olan təmsilçilər üçün seminarlar təşkil ediləcək, onlara Çinin inkişaf edən hərbi modernləşdirilməsi, eləcə də dünyanın ən böyük silahlı qüvvələrindən biri olan Xalq Azadlıq Ordusu haqqında daha ətraflı məlumat veriləcək.
Çin sentyabrın 3-də keçirilən hərbi paradda ilk dəfə olaraq hipersəs silahları, böyük sualtı pilotsuz təyyarələr və yenidən qurulan uzaqmənzilli nüvə raketi də daxil olmaqla bir sıra yeni silahlar nümayiş etdirib.
“Reuters” agentliyi yazır ki, diplomatların bildirdiyinə görə, əksər Qərb və müttəfiq ölkələr bu tədbirə nisbətən aşağısəviyyəli nümayəndə heyətləri göndərəcək və hər il Sinqapurda keçirilən Şanqri-La Dialoqunu regionun əsas qeyri-rəsmi təhlükəsizlik konfransı kimi saxlamağa üstünlük verəcək.
Pentaqonun sözçüsü bildirib ki, ABŞ bu foruma Pekindəki səfirliyinin hərbi attaşesini göndərəcək.
Çin Müdafiə Nazirliyi Rusiya, Fransa, Braziliya, Nigeriya, Sinqapur və Vyetnamdan olan nümayəndə heyətlərinin iştirakını təsdiqləyib.
Bölmənin digər xəbərləri
