ÇİNDƏ 100 İL DAVAM EDƏN YANĞIN SÖNDÜRÜLMÜŞDÜR

03.11.2004 [16:45]
Çap et
A⁺ A^-

AZƏRTAC-ın Sinxua agentliyindən aldığı xəbərdə deyilir ki, Çində Sinszyan-Uyğur muxtar rayonunun Lyunxuanqou kömür yatağında 100 il əvvəl başlanmış yanğın, nəhayət, söndürülmüşdür.

Yanğınsöndürmə xidməti son dörd ildə yanğınla mübarizəyə 12 milyon dollar xərcləmişdir. Hesablamalara görə, yanğın hər il 1,8 milyon ton kömür məhv edirmiş. Eyni zamanda, hər il 100 min ton zəhərli qazın və 40 min ton külün havaya sovrulması regionun ekoloji vəziyyətinə ciddi ziyan vururdu.

Yerli tarixçilərin dediklərinə görə, kömür şaxtalarında yanğın hələ 1874-cü ildə Sin mançur imperator sülaləsinin (1644-1911-ci illər) hökmranlığı dövründə baş vermişdi.

ÇXR-in bütün kömür ehtiyatının 40 faizi ölkənin şimal-qərbində yerləşən Sinszyan-Uyğur muxtar rayonundadır.