Çində torpaq sürüşməsi nəticəsində 11 nəfər ölüb
Pekin, 28 iyul, AZƏRTAC
Çinin Hunan əyalətində şiddətli yağışların səbəb olduğu torpaq sürüşməsi nəticəsində 11 nəfər ölüb.
AZƏRTAC əyalətin fövqəladə hallarla mübarizə departamentinə istinadla xəbər verir ki, təbii fəlakət səhər saatlarında Yuelin kəndində baş verib. Sürüşmə 18 nəfərin yaşadığı yaşayış binasının dağılmasına səbəb olub. Axtarış işlərinin gedişində 11 nəfərin meyiti tapılıb, 6 nəfər yaralı vəziyyətdə aşkarlanıb.
Hazırda axtarış işləri davam edir. Sürüşmə vaxtı binada dəqiq neçə nəfərin olduğu bilinmədiyi üçün ölü sayının çoxalma ehtimalı var.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
