CİNAYƏT HADİSƏLƏRİNİN ÜSTÜ İSTİ İZLƏRLƏ AÇILMIŞDIR
Daxili İşlər Nazirliyinin mətbuat xidmətindən AZƏRTAC-a verilən məlumata görə, avqustun 10-da respublika ərazisində qeydə alınmış 19 cinayət hadisəsindən 14-nün üstü isti izlərlə açılmışdır. Keçirilmiş əməliyyat tədbirləri nəticəsində Cinayət Məcəlləsinin müxtəlif maddələri ilə axtarışda olan 20 nəfər tutularaq istintaq orqanlarına təhvil verilmişdir.
Daxili işlər orqanları əməkdaşları tərəfindən narkotiklərlə əlaqədar 3, qanunsuz saxlanılan silah-sursatla bağlı 2 fakt müəyyən edilmiş, cinayət törətdiklərinə görə 30 nəfər tutulmuşdur. Baş vermiş altı yol-nəqliyyat qəzasında 6 nəfər ölmüş, 7 adam yaralanmışdır. Gün ərzində iki yanğın hadisəsi qeydə alınmışdır.
Bölmənin digər xəbərləri
