COVID-19 Türkiyənin turizm sahəsinə də öz mənfi təsirini göstərib
İstanbul, 30 aprel, AZƏRTAC
Bu ilin ilk üç ayı ərzində Türkiyədə turizmdən əldə edilən gəlir ötən ilin eyni dövrü ilə müqayisədə 11,4 faiz azalaraq 4 milyard 101 milyon 206 min ABŞ dolları təşkil edib.
AZƏRTAC xəbər verir ki, bu barədə ölkənin Statistika Komitəsindən bildirilib.
Məlumatda qeyd edilir ki, bu ilin yanvar, fevral və mart ayları ərzində ölkəni ziyarət edənlərin sayı da ötən ilin eyni dövrü ilə müqayisədə 15,1 faiz azalaraq 5 milyon 639 min 413 nəfər olub.
Mütəxəssislər bunu dünyada öz mənfi təsirini göstərən COVID-19 pandemiyası ilə izah edirlər.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
