CÜDOÇULARIMIZ QÜVVƏLƏRİNİ SUPERKUBOKDA SINAYACAQLAR

05.04.2006 [11:18]
Çap et
A⁺ A^-

AZƏRTAC xəbər verir ki, ölkəmizin cüdo üzrə yığma komandası aprelin 8-də Moskvada keçiriləcək dünya superkubokuna hazırlaşır. İndi komandamız Belarusun paytaxtı Minskdə başa çatmış “A” kateqoriyalı beynəlxalq yarışdan sonra, orada təlim-məşq toplanışı keçirir.

Xatırladaq ki, Belarusda 7 cüdoçu ilə təmsil olunduğumuz turnirdə Azərbaycan idmançılarından ən yaxşı nəticəni beşinci yer tutmuş Ramin Qasımov (66 kq) göstərmişdir. Həmin yarışda iştirak etməyən son dünya kubokunun qalibi Mehman Əzizov (81 kq) isə yığmanın heyətinə Moskvada qoşulacaqdır. Ümumiyyətlə, Rusiya paytaxtında yığma komandanın tərkibində 12 cüdoçunun iştirakı nəzərdə tutulmuşdur.

İki gün davam edəcək superkubok turnirinə 40-dan çox ölkənin idmançılarının qatılacağı gözlənilir.