Daha beş sərbəst güləşçimizin Avropa çempionatındakı rəqibi müəyyənləşib
Bakı, 7 iyun, AZƏRTAC
İspaniyanın Pontevedra şəhərində gənc güləşçilərin Avropa çempionatı davam edir.
AZƏRTAC xəbər verir ki, iyunun 8-də 61, 74, 86, 92 və 125 kiloqram çəki dərəcəsində sərbəst güləşçilər mübarizəyə qoşulacaqlar.
Bu gün həmin çəki dərəcələri üzrə püşkatma mərasimi keçirilib və güləşçilərimizin ilk rəqibləri müəyyənləşib. Belə ki, İntiqam Vəlizadə (61 kq) bolqarıstanlı Stilyan Yançev İliev, Nəsib İsayev (74 kq) Polşa idmançısı Kaçper Marçin Kraska, Fuad Mayılov (86 kq) gürcüstanlı Miriani Maysuradze, Asxab Həmzətov (92 kq) Bolqarıstan təmsilçisi Bojidar Mateyev Todorov, İslam Abuyev (125 kq) isə isveçli Fardin Anoşen ilə qarşılaşacaq.
Bölmənin digər xəbərləri
