Demetrio Bocuma Mene: COP29 iqlim ambisiyalarının gücləndirilməsi üçün fürsətdir
Bakı, 15 noyabr, AZƏRTAC
COP29 iqlim ambisiyalarının gücləndirilməsi üçün fürsətdir. Bu konfransdan gözlənilən əsas nəticələrdən biri ölkələrin iqlim dəyişikliyi ilə mübarizədə daha iddialı öhdəliklər götürməsidir. Bu öhdəliklər Paris Sazişi çərçivəsində müəyyən edilmiş hədəflər vasitəsilə həyata keçirilir. Sözügedən sənədlər uyğunlaşma tədbirlərini, habelə tullantıların azaldılmasına töhfə verən mexanizmləri ehtiva edir.
Bu fikirləri AZƏRTAC-a açıqlamasında BMT-nin İnkişaf Proqramında Təbii İqlim və Enerji Bölməsi üzrə proqram analitiki, Ekvatorial Qvineyadan olan nümayəndə Demetrio Bocuma Mene bildirib.
O, iqlim dəyişiklikləri ilə mübarizədə maliyyələşmə məsələsinin ən mühüm komponent olduğunu vurğulayıb: “COP29-da iqlim dəyişikliyi ilə mübarizədə maliyyələşmə mexanizminin müəyyən edilməsi çox yaxşı olardı. Mənim ölkəmdə iqlim dəyişikliyi ilə bağlı əsas problemlər arasında biomüxtəlifliyin azalması, yaşayış yerlərinin məhv olması, daşqınlar, yağıntı və temperaturun dəyişməsi kimi hallar yer alır”.
Bölmənin digər xəbərləri
