DEN SYAOPİN HAQQINDA QIZIL KİTAB

19.05.2004 [23:42]
Çap et
A⁺ A^-

AZƏRTAC-ın Pekindən aldığı xəbərdə deyilir ki, Çində Den Syaopinin anadan olmasının 100 illiyi ilə əlaqədar onun haqqında kitab nəşr edilmişdir. İlk baxışdan burada təəccüblü bir şey yoxdur. Axı o, ötən əsrin 70-ci illərinin axırından 80-ci illərin sonunadək Çinə başçılıq etmişdir, iqtisadi islahatların və xarici aləmə açıqlıq siyasətinin müəllifidir. Lakin kitabın xüsusiyyəti bundadır ki, o, xalis qızıldan hazırlanmışdır.

Kitab, yeni texnologiyalardan istifadə edilməklə, demək olar, 100 faizlik əyarlı xalis qızıldan hazırlanmışdır. Onu təxminən 10 min il saxlamaq mümkündür. Hələlik tam tirajla buraxılmamış, qızıl kitabın tirajı cəmi 5 min nüsxə olacaqdır. Qalan nüsxələr həm Çində, həm də xaricdə nəşr ediləcəkdir.

48 səhifəlik kitabda Den Syaopinin 1920-ci ildən 1994-cü ilədək olan dövrə aid 39 fotoşəkli də əksini tapmışdır.

Bu nadir nəşrin dəyəri və onu əldə etmək imkanı barədə hələlik məlumat verilmir.