Dövlət Turizm Agentliyi ölkə vətəndaşlarına və turoperatorlara müraciət edib
Bak, 27 fevral, AZƏRTAC
Son günlər dünyanın bir sıra ölkələrində koronavirus (COVID-19) epidemiyasının geniş yayıldığını nəzərə alan Dövlət Turizm Agentliyi ölkə vətəndaşlarına xaricə səfərlərini planlaşdırarkən mümkün riskləri nəzərə almağı tövsiyə edib.
AZƏRTAC xəbər verir ki, agentlik xəstəliyə yoluxma və virusun Azərbaycan ərazisinə keçməsi təhlükəsinin qarşısının alınması məqsədilə vətəndaşlara həmin ölkələrdə epidemioloji vəziyyət sabitləşənədək səfərlərini təxirə salmağı məsləhət görür.
Dövlət Turizm Agentliyi turoperatorlara tövsiyə edib ki, koronavirusun yayıldığı ölkələrə getmək arzusunda olan vətəndaşlarımızı səfərin mümkün riskləri barəsində məlumatlandırsınlar.
Bölmənin digər xəbərləri
