Dünya Turizm Təşkilatının “İpək Yolu” işçi qrupunun dördüncü toplantısı keçiriləcəkdir
Bakı, 4 iyul (AZƏRTAC). İyulun 6-dan 8-dək Gürcüstanın paytaxtı Tbilisidə Dünya Turizm Təşkilatının (DTT) “İpək Yolu” işçi qrupunun dördüncü toplantısı keçiriləcəkdir.
AZƏRTAC DTT-nin rəsmi saytına istinadla xəbər verir ki, görüşün məqsədi “İpək Yolu” ölkələrində turizm profilini yüksəltmək, onlar arasında əməkdaşlıq vasitəsilə davamlı və məsuliyyətli turizmi daha da genişləndirməkdir.
Xatırladaq ki, DTT-nin “İpək Yolu” işçi qrupunun üçüncü toplantısı 2013-cü il aprelin 22-23-də Azərbaycanın paytaxtında keçirilmişdir.
Bu ilki tədbirdə Azərbaycan da təmsil olunacaqdır.
Bölmənin digər xəbərləri
