DÜŞƏNBƏ SÜLH ŞƏHƏRİ ELAN EDİLƏCƏK

12.06.2004 [13:27]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, YUNESKO-nun başçısı Koitiro Matsuura Düşənbənin sülh şəhəri elan edilməsi barədə Tacikistan Prezidenti Emoməli Rəhmonovun təklifini dəstəkləmişdir. Bunu agentliyin müxbirinə Tacikistan dövləti başçısının mətbuat katibi Əbdüfəttah Şaripov bildirmişdir. O demişdir ki, bu razılaşma Qırğızıstanın İssık-Kul gölü sahilindəki Çolpon-Ata şəhərində əldə olunmuşdur. Burada YUNESKO-nun başçısı və Tacikistan lideri “Avrasiya XXI əsrdə: mədəniyyətlərin dialoqu, yoxsa sivilizasiyaların münaqişəsi” mövzusunda beynəlxalq konfransda iştirak etmişlər.

Mətbuat katibi demişdir: “Düşənbədə milli barışıq üçün ilk addımlar atılmış və bu addımlar beş il sürən vətəndaş müharibəsinə nöqtə qoymuşdur. Sülhün və milli barışığın bərqərar edilməsi haqqında saziş imzalandıqdan sonra isə bu mühüm sənədin həyata keçirilməsi üçün paytaxtda ilk vətəndaş təsisatları açılmışdır”.

Ə.Şaripov qeyd etmişdir ki, “vətəndaş münaqişəsinin nizama salınması sahəsində Tacikistanın təcrübəsi misilsizdir və BMT, ATƏT ekspertlərinin fikrincə, planetin “qaynar nöqtələrində geniş” öyrənilməyə layiqdir”.

DÜŞƏNBƏ SÜLH ŞƏHƏRİ ELAN EDİLƏCƏK

MÜƏLLİFLƏ ƏLAQƏ

Bölmənin digər xəbərləri