ƏDƏBİYYAT SAHƏSİNDƏ NOBEL MÜKAFATI LAUREATI YAXIN GÜNLƏRDƏ ELAN OLUNACAQDIR

30.09.2006 [14:54]
Çap et
A⁺ A^-

AZƏRTAC Frans Press Agentliyinə istinadla xəbər verir ki, ədəbiyyat sahəsində 2006-cı il Nobel mükafatı laureatının adı yaxın günlərdə elan olunacaqdır. Adətən, bu mükafat cümə axşamı günləri təqdim edilir və bu baxımdan ən münasib günlər oktyabrın 5-i və ya 12-sidir. İsveç Kral Akademiyası dəqiq tarixi təqdimat mərasiminə 48 saat qalmış elan edəcəkdir.

Nobel Komitəsinin üzvlərinə təqdimat mərasiminə 1 ay qalmış potensial laureatların adlarını çəkmək qadağan olunur. İsveç mətbuatı isə öz fərziyyələrini irəli sürür. Mükafata mümkün namizədlər arasında israilli Amos Oz, Fransada yaşayan Suriya şairi Adonis, perulu Mario Varqas Lyosa və amerikalı Filip Rotun adları çəkilir. Hindistanlı Salman Rüşdi, koreyalı Ko Yun, çex Milan Kundera, isveçli Tumas Transtremer, hollandiyalı Seys Noteboom da namizədlər sırasındadır.

Ədəbiyyat sahəsində Nobel mükafatının məbləği 10 milyon İsveç kronudur (1,37 milyon dollar və ya 1,07 milyon avro). Ötən il bu mükafat ingilis şair və dramaturqu Harold Pinterə təqdim edilmişdi. Halbuki onun adı mümkün namizədlər siyahısında çəkilməmişdi. Çoxlarının fikrincə, Pinter siyasi baxışlarına görə mükafata layiq görülmüşdür. O, İraq müharibəsinin qəti əleyhdarıdır.

ƏDƏBİYYAT SAHƏSİNDƏ NOBEL MÜKAFATI LAUREATI YAXIN GÜNLƏRDƏ ELAN OLUNACAQDIR

MÜƏLLİFLƏ ƏLAQƏ

Bölmənin digər xəbərləri