ƏFQANISTANIN TACİKİSTANLA SƏRHƏD VİLAYƏTLƏRİNDƏ 20-DƏN ARTIQ LABORATORİYA TİRYƏK İSTEHSAL EDİR

06.06.2004 [14:07]
Çap et
A⁺ A^-

Tacikistanın Narkotiklərə Nəzarət Agentliyində keçirilən mətbuat konfransında deyilmişdir ki, Tacikistan-Əfqanıstan sərhədində, Əfqanıstanın şimal-şərq əyalətlərində tiryək istehsalı ilə məşğul olan 20-dən artıq laboratoriya və mini zavod fəaliyyət göstərir. Bunların hər birində sutkada 20 kq məhsul istehsal olunur.

Keçən il dünyada tiryək istehsalının dörddə üç hissəsi Əfqanıstanın payına düşmüşdür. Agentliyin məlumatına görə, Mərkəzi Asiya regionunda müsadirə olunmuş tiryək qrupundan olan narkotiklərin 85 faizi Tacikistanda istehsal edilmişdir. Əgər 1991-ci ildə respublikada hüquq mühafizə orqanları tərəfindən 11 kiloqram narkotik maddə müsadirə olunmuşdusa, 2003-cü ildə bu rəqəm 9,6 ton təşkil etmişdir. Son 3 il ərzində hüquq mühafizə orqanları Rusiya sərhədçiləri ilə birgə 13,87 ton tiryək müsadirə etmişlər. Bu qədər narkotik maddə 17 milyon adamı “ağ ölüm”ün əsirinə çevirə bilər.

ƏFQANISTANIN TACİKİSTANLA SƏRHƏD VİLAYƏTLƏRİNDƏ 20-DƏN ARTIQ LABORATORİYA TİRYƏK İSTEHSAL EDİR

MÜƏLLİFLƏ ƏLAQƏ

Bölmənin digər xəbərləri