Elmi işçi: Tədqiqatlar əsasında real biznes modeli qurmaq hər zaman effektiv olmur
Bakı, 22 may, AZƏRTAC
Şəhərsalma sahəsində elmi ideyaların startaplara və ya özəl sektora yönəldilməsi bəzən uğursuzluqla nəticələnir, bu səbəbdən dövlət və bələdiyyə dəstəyi əsas şərtdir.
AZƏRTAC xəbər verir ki, bu sözləri Hamburq Universitetinin elmi işçisi Riko Hersoq Bakıda BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Expo City Dubai – İqlim fəaliyyəti, innovasiya və icmanın görüşdüyü yaşıl innovasiya bölgələri” panel sessiyası zamanı deyib.
Riko Hersoq qeyd edib ki, elmi işlərin birbaşa kommersiyalaşdırılması çətindir: “Bir çox hallarda akademik tədqiqatlar əsasında real biznes modeli formalaşdırmaq mümkün olmur. Bu səbəbdən startap yaratmaq və ya özəl sektorla əməkdaşlıq hər zaman effektiv nəticə vermir. Çıxış yolu universitetlə şəhər idarəetməsi arasında uzunmüddətli və davamlı əməkdaşlıq qurmaqdır. Bu, insanlar arasında etimad formalaşdırar və institusional əlaqələri gücləndirər”.
Bölmənin digər xəbərləri
