Eltac Səfərli İspaniyada şahmat festivalında liderlər qrupunda mübarizəni davam etdirir
Bakı, 22 dekabr, AZƏRTAC
İspaniyanın Sitjes şəhərindəki şahmat festivalında Azərbaycan təmsilçisi Eltac Səfərli liderlər qrupunda mübarizəni davam etdirir.
AZƏRTAC xəbər verir ki, yarışın güclü A turnirində mübarizə aparan şahmatçımız səkkiz turda 6,5 xal toplayıb. Azərbaycan şahmatçılarından Məhəmməd Muradlı 5,5, Aydın Süleymanlı, Ülviyyə Fətəliyeva 5, Babək Cəfərli 4 xal toplayıblar.
İsveçrə sistemi üzrə keçirilən turnirdə 300-ə yaxın şahmatçı iştirak edir. Onlardan da 55-i qrosmeysterdir.
Turnir 10 turdan ibarət olacaq və dekabrın 23-dək davam edəcək.
Bölmənin digər xəbərləri
