EMAL MÜƏSSİSƏLƏRİNİN SAYI ARTIR
Kənd Təsərrüfatı Nazirliyindən AZƏRTAC-ın müxbirinə bildirmişlər ki, respublikamızda heyvandarlıq məhsullarının emalı ilə məşğul olan 50-dən çox özəl müəssisə fəaliyyət göstərir. Bakı şəhərindəki “Milk Pro Ltd” şirkəti beynəlxalq standartlara uyğun olan 18 adda məhsul emal edir. Şirkət Beynəlxalq Keyfiyyət Sertifikatına (İSO-999) layiq görülmüşdür. “Göyçay-süd” Açıq Səhmdar Cəmiyyətində quraşdırılmış “Tetra-Pak” avadanlığı emal olunan süd məhsullarını 6 aya qədər saxlamağa imkan verir. Burada hər gün 30 ton süd emal edilir. “Taymeks” süd məhsulları korporasiyası, “İsgəndər-qida”, “Əşrəfoğlu”, “Ovçular”, “Zəhmət-ruzi” və s. müəssisələr emal sahəsində mühüm rol oynayırlar.
Xatırladaq ki, hazırda Azərbaycanda istehsal edilən südün 13 faizi, ətin isə 5 faizi emal olunur.
Bölmənin digər xəbərləri
