ERMƏNİSTAN MİLLİ AZLIQLARIN YAŞAMADIĞI YEGANƏ MONOETNİK ÖLKƏDİR

29.09.2006 [14:01]
Çap et
A⁺ A^-

AZƏRTAC xəbər verir ki, bu bəyanatı Azərbaycan Prezidenti İlham Əliyev Berlində Beynəlxalq Bertelsmann-2006 forumunun “Balkanlar və Qara dəniz bölgəsi Avropa üçün lakmus kağızı kimi” mövzusunda keçirilən birinci iclasında səsləndirmişdir. Prezident bildirmişdir ki, Ermənistan istisna olmaqla, Avropanın hər bir ölkəsində milli azlıqlar yaşayır. Milli azlıq olmaq yaşadığın ərazini dövlətdən ayırmaq, başqa bir dövlətin ərazi bütövlüyünü pozmaq hüququna malik olmaq demək deyildir. Dağlıq Qarabağ, Abxaziya, Cənubi Osetiya və Dnestryanıda təcavüzkar separatizm həyata keçirilmişdir. Bu gün tanınmamış, qanunsuz Dağlıq Qarabağ kimi qondarma qurumlar hamımız üçün böyük təhlükə yaradır.

Bu ərazilərin hər cür nəzarətdən kənarda qaldığını, heç bir beynəlxalq hüquq normasının işləmədiyini və bütün növ qanunsuz hərəkətlər həyata keçirildiyini diqqətə çatdıran dövlət başçısı demişdir: “Buna görə də tanınmamış bu qondarma qurumlar Avropa üçün ən böyük təhlükədir. Ermənistanda Dağlıq Qarabağın “müstəqilliyi” qeyd edilərkən iki erməni dövlətinin mövcudluğu barədə danışılırdı. Bu, yalnız başlanğıcdır. Təsəvvür edin ki, bu prinsip təsbit edilərsə, nələr baş verə bilər! Dünyada nə qədər erməni dövləti yaranacaq və bu bizi haraya gətirib çıxaracaq?”

ERMƏNİSTAN MİLLİ AZLIQLARIN YAŞAMADIĞI YEGANƏ MONOETNİK ÖLKƏDİR

MÜƏLLİFLƏ ƏLAQƏ

Bölmənin digər xəbərləri