SİYASƏT
“ƏSKİŞƏHİR AZƏRBAYCAN EVİ”NİN TƏQDİMATI OLMUŞDUR
Ankara, 23 avqust (AZƏRTAC). Türkiyə-Azərbaycan Dərnəkləri Federasiyasının (TADEF) təşəbbüsü ilə “Əskişəhir Azərbaycan Evi”nin təqdimatı olmuşdur.
Təqdimat mərasimində çıxış edən Diasporla İş üzrə Dövlət Komitəsinin aparat rəhbəri Nəriman Qurbanov, Türkiyə-Azərbaycan Dərnəkləri Federasiyasının sədri Bilal Dündar, Əskişəhir Azərbaycan Dərnəyinin sədri Cavid Aydın, vilayətin keçmiş valisi Qədir Çalışcı bildirmişlər ki, Ankaradan sonra Əskişəhirdə yaradılan bu təşkilat qardaş ölkələrimizin xalqlarının daha sıx əməkdaşlığına xidmət edəcəkdir. Dərnəklərin fəaliyyətində Türkiyə vətəndaşları da yaxından iştirak edəcəklər.
Çıxış edənlər son illər Azərbaycan Prezidenti İlham Əliyevin xüsusi diqqət və qayğısı nəticəsində Azərbaycan diaspor təşkilatlarının daha səmərəli fəaliyyət göstərdiklərini, türk diaspor təşkilatları ilə həmrəyliyn gücləndiyini vurğulamışlar. Bu gün 63 ölkədə 416 diaspor təşkilatımız Azərbaycan həqiqətlərini təbliğ edir, haqq səsimizi dünyaya çatdırır.
Oqtay Bayramov
AZƏRTAC-ın xüsusi müxbiri
Ankara